Marja Helander: Tulistella

Mediataaiđâ sämikielân

Mediataide kasvattaa! lii syemmilâš mediataiđuu kuávdáš AV-arkki paijeentoollâm media- já taaiđâšoddâdem oppâmaterialijd pyevtitteijee já fällee nettipalvâlus. Tot máhđulist Suomâst pargee njunoštaidârij tuojijguin já toid vuávájum oppâmaterialijguin ávhástâllâm máttááttâs uássin. Palvâlus lii mávsuttem ijge vaađâ sierâ siisâčáládâttâm.

Mediataaiđâ sämikielân -máttááttâspakkeet lii pyevtittum ohtsâšpargoost sämitiggijn. 

Tot siskeeld kuttâ jieškote-uv ahasáid uáivildum mediataaiđâtyeje já toid lahtojeijee hárjuttâsâid. Tuojij aherääjih láá merkkejum jyehi tyeje puotâ. 

Tuojij peht piäsá uápásmiđ mediataiđui ovdâmerkkân suogârdmáin, maht jieškote-uvlágán jienah, koveraijimeh tâi filmârähtim tekniikeh vaigutteh tuojij mainâsáid já teemaid. Tuojijn kiävttojeh eereeb iärrás animaatioh, jieškote-uvlágán muštâlemtekniikeh já kuuvij nubástittem. Mediataaiđâ puáhtá valdâliđ maailm, almonijd já ulmuid olâtteijee vuovijguin, já ton peht aašijd puáhtá tarkkuustâllâđ jieškote-uv keččâmkuávluin.

Oppâmaterial tyejeh movtijditeh jurdui já feerimij jyehimân sehe jieijâs taiđâlii olgospyehtimân. Toh tuáimih savâstâllâm algâtteijen já lasetteh nuorâi ibárdâs väldivirde filmâmuštâlmist spiekâsteijee vuovijn muštâliđ taan maailm pirrâ. Mediataaiđâ máhđulist maaŋgâlágán tulkkuumijd, ijge tast lah tuše ohtâ olmâ vyehi. Oppâmaterial tuáimá-uv pyereest kovetaaiđâmáttááttâs uássin mutâ meiddei maaŋgâpiälásii luuhâmtááiđu já kriittâlii medialuuhâmtááiđu toorjân eres amnâsijn já maaŋgâsuárgásijn oppâolesvuođâin.

Máttáátteijee kannat ain keččâđ tuojijd muuneeld sehe uápásmiđ tađe várás vuávájum hárjuttâssáid, já smiettâđ mii lii pyeremus vyehi kevttiđ oppâmaterial suu jieijâs juávhoin.

Lasetiäđuh hahâpyevtitteijest šleđgâpostáin edu@av-arkki.fi

Kii puáhtá kevttiđ palvâlus?

Mediataide kasvattaa -nettipalvâlus lii uáivildum ovdâ- já vyeliškovlâahasij sehe paješkovlâahasij taaiđâ- já mediašoddâdmân Suomâst. Palvâlus pyehtih kevttiđ sii máttáátteijeeh já šoddâdeijeeh.

Moos material uážžu kevttiđ?

Máttááttâsân, mii lii párnáid já sii šoddâdeijeid nuuvtá.

Material ij uážu kevttiđ kávpálijn ohtâvuođâin tâi mäksimnáál tilálâšvuođâin já škoovlâin.  

Puohlágán kávpálâš ávhástâllâm palvâlus siskeldem materialijguin lii iävtuttáá kieldum. Oppâmaterialijd já palvâlusâst almostittum tuojijd ij uážu kevttiđ mäksimnáál máttááttâsâst tâi kávpáláid ulmijd.

Lasetiäđuh

Palvâlus kevttim ij vaađâ siisâčáládâttâm tâi registeristem.

Puoh palvâlus videomaterial lii munetärhistum já merkkejum aherajijguin.

Máttááttâsmaterial nuuvtá finnimvuođâ máhđulisteh AV-arkki mediašoddâdemhaavah, moid tuárjuh eereeb iärrás máttááttâs- já kulttuurministeriö, Uusimaa taaiđâtoimâkodde, Jenny já Antti Wihuri vuáđudâs já Svenska Kulturfonden. 

Taidâráid máksojeh čäittimmáávsuh haahân mieđettum išeruuđâin.